ដំណើរការចុះបញ្ជី

គ្រប់គម្រោងពាក់ព័ន្ធនឹងព្រៃឈើទាំងអស់ដែលមានបំណងចង់ទទួលបានការទូទាត់ពីការកាត់បន្ថយការបញ្ចេញឧស្ម័នផ្ទះកញ្ចក់ពីរេដបូក ឬក៏មានបំណងចង់បង្កើតនិងចេញវិញ្ញាបនបត្របញ្ជាក់លើឯកតាកាត់បន្ថយឧស្ម័នផ្ទះកញ្ចក់ពីរេដបូក ត្រូវដាក់ពាក្យស្នើសុំចុះបញ្ជីគម្រោងនៅក្នុងប្រព័ន្ធទិន្នន័យគម្រោងរេដបូកជាតិ មកលេខាធិការដ្ឋានរេដបូក។ ការចុះបញ្ជីគម្រោងរេដបូកនៅក្នុងប្រព័ន្ធទិន្នន័គម្រោងរេដបូកជាតិ មានគោលបំណងបន្ស៊ីការអនុវត្តគម្រោងរេដបូកជាមួយនឹងយុទ្ធសាស្រ្តរេដបូកជាតិ រួមទាំងគោលការណ៍ណែនាំស្តីពីប្រព័ន្ធធានាសុវត្ថិភាពរេដបូក និងការលើកកម្ពស់ឱ្យមានការប្រើប្រាស់បទដ្ឋាននិងវិធីសាស្រ្តរួមគ្នា ក្នុងការវាស់វែង រាយការណ៍ និងផ្ទៀងផ្ទាត់ការកាត់បន្ថយការបញ្ចញឧស្ម័នផ្ទះកញ្ចក់។